لە 1ی نیسانی 2017، چین پلانەکانی بۆ دامەزراندنی ناوچەی نوێی شیۆنگ ئان ڕاگەیاند، کە دەکەوێتە نزیکەی 100 کیلۆمەتر لە باشووری ڕۆژئاوای پەکین، بە ئامانجی دروستکردنی ڕووبەری 1770 کیلۆمەتری چوارگۆشە بۆ شارێکی سەوز کە تایبەتمەندە بە داهێنان و مۆدێلێکی نیشتمانی بۆ گەشەپێدانی کوالیتی بەرز .
ناوچەی نوێی شیۆنگ ئان دەبێتە ناوەندێک بۆ ئەرکە ناسەرەکییەکانی پەکین، کە لە پلانی وردی گەشەپێدانی یەکگرتووی ناوچەکانی پەکین-تیانجین-خبیدا کە لە مانگی حوزەیرانی 2015دا دەرچووە، بە ڕوونی پێناسە کرابوو.
لی شیاوجیانگ، ئەندامی لیژنەی ڕاوێژکاری پسپۆڕان لە گەشەپێدانی هەماهەنگی ناوچەیی پەکین-تیانجین-خبی، وتی، “جەوهەری گەشەپێدانی هەماهەنگی نێوان هەرێمەکان چارەسەرکردنی دوو کێشەیە یەکێکیان ڕاکێشانی ئەرکە ناسەرەکییەکانە لە پەکین و چارەسەرکردنی… نەخۆشی گەورەی شارەکان بریتییە لە گەڕان بەدوای مۆدێلێکی باشتر بۆ گەشەپێدانی ناوچە قەرەباڵغەکان و دەستکاریکردنی پێکهاتەی شارەکان.
ئاماژەی بەوەشکردووە، ئەرکی پراکتیکی ئەم ستراتیژە بریتییە لە کشاندنەوەی ئەو ئەرکانەی کە ناوەندی پەکین نین، بەڵام بەرپرسیارێتی گەڕان بەدوای ڕێڕەوی گەشەپێدان و شێوازی شارەکانی داهاتوودا لە ئەستۆدایە.
ناوچەی نوێی شیۆنگ ئان لە ساڵی 2019 هاتە قۆناغی بیناسازی بەرفراوان و ئەو پڕۆژە گەورانەی لە دوو ساڵی ڕابردوودا جێبەجێ کراون بریتین لە ژێرخانی ئابووری، خزمەتگوزارییە گشتییەکان، دامەزراوە پیشەسازییەکان، و پاراستن و بەڕێوەبردنی ژینگەی سروشتی.
ناوچەی نوێی شیۆنگ ئان بە ستانداردێکی بەرز دروست دەکرێت، ئەمەش بە پشتبەستن بە پلانی 14هەمین پلانی پێنج ساڵەی چین (2021-2025) و ئامانجە دوور مەوداکانی بۆ ساڵی 2035. پێشبینی دەکرێت ناوچەی نوێی شیۆنگان ببێتە یەکێک لە شارە داهێنەر و بەردەوامەکانی جیهان.